Gob. Demerey gibida ang kalamboan sa Dinagat Islands sa State of the Province Address
DINAGAT ISLANDS - Aron pagreview sa mga accomplishment ug kalambuan sa probinsya sa Dinagat Islands, malampuson nga napahigayon ang State of the Province Address (SOPA) ni Governor Nilo P. Demerey, Jr., GSC, MPM., didto sa Capitol Dome, Brgy. Cuarinta, San Jose, sakip ning probinsya niadtong Oktubre 1.
Gi-presentar sa gobernador ang mga kalambuan sa probinsya pinaagi sa programang Remedy Development Framework sama sa Remedy for Industrialization, Remedy for Livelihood, Remedy for Emergencies, Remedy for Governance, Remedy for Public Safety and Remedy for Life.
“As I deliver the 3rd State of the Province Address, sa nilabay nga tulo ka tuig nakita, nasinati ug natagamtaman nato ang mga serbisyo nga nahimong possible tungod sa atong panag-uban ug pagtinabangay,” maoy pasiunang mensahe nga gipalanog ni Gov. Demerey ngadto sa mga Dinagatnon nga mitambong sa maong importante nga higayon.
Malipayon nga gipakita sa gobernador ngadto sa katawhan nga mitambong sa SOPA ang mga accomplishment, kalambuan, programa ug proyekto nga maoy nagpadayon sa pagdala sa probinsya ngadto sa kalampusan.
 |
| Governor Nilo P. Demerey, Jr. |
Anaa sa maong SOPA ang mga municipal mayor ning probinsya sama ni Loreto Mayor Doandrei Ladaga, Tubajon Mayor Fely Pedrablanca, Libjo Mayor Melody Llamera, San Jose Mayor Yngwei Hero Ecleo, Dinagat Mayor Simplicio Leyran ug Cagdianao Mayor Marc Adelson Longos, inubanan sa mga Sangguniang Bayan members ug punong barangay.
Anaa usab ang mga moard Member sa distrito 1 ug 2 sama ni Ali Adlawan, Anna Lyn Dialde, Jocelyn Relator, Amor Alcaria, Gwendolyn Ecleo-Pols, Ailong Dela Cruz ug Sean Eludo, ex-officio Allan Dos Ecleo, Gretchen Ang, Sheena Marie Perez, Atty. Arlene Bag-ao, department heads sa matag buhatan sa kapitolyo, national line agencies, Executive Assistant IV Marichu M. Demerey, Partido Federal members sa probinsya sa Dinagat Islands, civil society organizations ug uban pa. (PIO-PDI)
