Agri-fishery, tourism trade fair sa Dinagat Islands, opisyal nga giabrihan
DINAGAT ISLANDS – Agi’g pagsaulog sa ika-18 nga kaadlawan sa probinsya sa Dinagat Islands, opisyal na nga giabrihan ang Agri-Fishery and Tourism Trade Fair isip usa sa mga aktibidad sa maong selebrasyon nga kasamtangang gipahigayon sugod Setyembre 27 hangtod Octobre 2 ngadto sa Capitol Dome, Brgy. Cuarinta, San Jose, Dinagat Islands.
Isip pagsugod sa maong kalihukan mipadayag og mensahe si Provincial Agriculturist Rico B. Galinato agi'g pagwelcome sa mga bisita, opisyales ug mga mangingisda ug mangunguma nga nakigduyog sa maong selebrasyon.
Misunod usab ang usa ka mensahe ni Department of Agriculture (DA) Caraga Regional Executive Director Arlan M. Mangelen diin gipasiugdahan niini nga ang agrikultura ang giilang backbone sa mga komunidad lakip niini ang iyang pagpasalamat sa mga coordinating agencies sa pag-implementar sa mga programa ug proyektong sa agrikultura.
Sa dugang bahin, mipadayag usab og mensahe si Board Member Ali P. Adlawann isip committee chair on Agriculture misunod ang mensahe ni Atty. Niel Edward Demerey isip representante ni Governor Nilo P. Demerey Jr. alang usab sa opisyal nga abri sa maong kalihukan. Lakip niini ang oathtaking ceremony sa mga bag-ong elected officials sa 4H Club ug ang pagpahigayon sa Best Booth and Display Competition nga gikan pa nagkalain-laing munisipyo sa probinsya.
Atol niini nga aktibidad, anaa usab sila Executive Assistant IV Marichu M. Demerey, Dinagat Division Superintendent Florence E. Almaden, San Jose - Mayor Yngwie Hero B. Ecleo, Tubajon Mayor Simplicia P. Pedrablanca, mga provincial board members sa duha ka distrito sa probinsya sama nila district 1 board members Annalyn C. Dialde, Carlos P. Bua, Jocelyn Relator, Ali P. Adlawan, district 2 board members Errol Conrad B. Dela Cruz, Gwendolyn B. Ecleo-Pols, Reggivi Amor Alcaria, Sean V. Eludo, ABC Federated President Gretchen Ecleo-Ang, SK Federation President Sheena Marie Perez ug uban. (PIO-PDI/PIA-Dinagat Islands)
