Legal caravan gipahigayon sa Basilisa, Dinagat Islands
DINAGAT ISLANDS -- Gipahigayon bag-ohay palamang ang tulo ka adlaw nga Legal Caravan sa lungsod sa Basilisa, Dinagat Islands nga gipangunahan sa opisina ni Dinagat Islands Congressional Representative Alan Uno B. Ecleo nga nagtinguha nga mapaduol ang legal nga serbisyo sa mga kaigsuonan tungod kay layo ang probinsya sa mga legal offices ug kinahanglan ang mga residente sa akses sa impormasyon ug suporta ilabi na sa mga nahimutang sa coastal areas.
Nakasinati nato ang halos 100 ka benepisyaryo gikan sa mga barangay sa Sering, Roma, Montag, ug Cortes sa lungsod sa Basilisa. Sa ikaduhang higayon, nakab-ot ang 74 ka benepisyaryo gikan sa Brgy. Melgar ug samtang sa ikatulong adlaw, adunay 60 ka benepisyaryo nga naka-avail sa inisyatiba gikan usab sa barangay Imee, Poblacion, Coring, ug Roxas.
Nagmalampuson kini nga kalihukan pinaagi sa epektibong pagdumala ni Atty. Shierly Coquilla Ba-ad, legal consultant sa Congressional Office of Dinagat Islands (CODI), uban sa tibuok nga suporta sa Public Attorney’s Office (PAO) nga gilangkuban nila Atty. Geramer Vere Durato ug Olimpio Buico Jr. Anaa usab sa nakigtambayayong ang mga representante sa lokal nga administrasyon lakip na sila Elma E. Bero, Vicente G. Sibla, Jonaly C. Borinaga, Jessel P. Patriarca, ug Christian C. Patriarca. Apil usab si Angel S. Pombo, ang coordinator sa birth registration, ug ang mga opisyales sa barangay local government units nga nagpakita sa pagkausa ug dedikasyon sa pagserbisyo sa komunidad.
Ang legal caravan naghatag og dakong oportunidad sa mga kaigsuonan sa Basilisa nga nagpasayon sa akses sa mga legal nga serbisyo nga ilang gikinahanglan. Kaniadto, si Presidente Ferdinand R. Marcos Jr. mipirma sa daghang mga bag-ong balaod nga nagtukod og mga Regional Trial Courts (RTCs) ug ubang mga korte sa tibuok Pilipinas. Usa niini ang Republic Act No. 12032, nga unang House Bill 06583, nga nahimo ni Rep. Ecleo. Kini nga balaod nagdala og mga hinungdanong kausaban sa Dinagat Islands pinaagi sa paghatag og importante nga mga serbisyo sa hustisya nga mas duol sa mga residente.
Sa kinatibuk-an, ang RA 12032 usa ka hinungdanon nga lakang sa legal ug sosyal nga aspeto alang sa Dinagat Islands, nga nagpadayag sa pagkugi alang sa hustisya ug kalamboan sa umaabot. (Congressional Rep. Alan Uno Ecleo/PIA-Dinagat Islands)
