Reactivation sa Prov’l Joint Security Control Center kabahin sa May 2025 elections nagmalampusong gipahigayon
DINAGAT ISLANDS - Alang sa pagpalig-on sa mga lakang kabahin sa umaabot nga National and Local Elections (NLE) 2025 nagmalampuson nga gipahigayon ang reactivation of the Provincial Joint Security Control Center (PJSCC) niadtong Nobyembre 15 ngadto sa buhatan sa Commission on Elections (COMELEC) - Office of the Provincial Election Supervisor – Province of Dinagat Islands sa pagpanguna ni Provincial Election Supervisor Hazel Ivory R. Laud-Begyan, kauban ang mga personahe gikan sa Dinagat Islands Provincial Police Office (DIPPO), Philippine Army, ug ang Philippine Coast Guard.
Nahisgutan sa maong kalihukan ang mahitungod sa mga nagkadaiyang resolusyon sama na niini ang Resolution No. 10999 kun pagpatuman sa mga calendar of activities lakip ang mga period o petsa sa mga prohibited acts koneksyon sa NLE 2025 diin sugod sa January 12, 2025 hangtod June 11, 2025 sulod sa election period ipatuman ang gun ban o ang pagbawal sa pagdala og mga firearms o uban pang mga deadly weapons gawas kun wala kini tugoti sa Commission. Samtang ang campaign period usab pagasugdan sa February 12, 2025 para sa national candidates, ug March 28, 2025 sa local candidates.
Lakip sa mga nahisgutan ang kabahin sa Resolution no. 11056, Resolution no. 11055, ug ang Resolution no. 11067. Pinaagi niini nga panagpulong ug ang presensya sa mga uniform personnels, ginapakita nila ang ilang pagpangandam ug commitment alang sa palinawon ug luwas nga pagpahigayon sa umaabot nga NLE 2025. (Lorense Mae Nidea, PIO-PDI/ PIA-Dinagat Islands)
