Butuan City gilusad ang earthquake hazard assessment tool
BUTUAN CITY – Sa panaghiusa uban sa Department of Science and Technology – Philippine Institute of Volcanology and Seismology (DOST-PHIVOLCS), gilusad sa syudad sa Butuan niadtong Marso 11 ang mga siyentipikong publikasyon sa Butuan City Earthquake Model: Event-Based Probabilistic Seismic Risks Assessment Technical Reports, Butuan City Buildings Portfolio, How Safe is My House Brochure nga may Binutuanon ug Bisaya na bersyon.
Ang publikasyon makatabang aron mamahimo na personal masukod sa mga Butuanon ang kalig-onon sa ang ilang mga balay batok sa katalagman. Kini base sa konstraksyon na materyales nga gigamit sa balay, restorasyon nga gihimo, kasaysayan sa katalagman, edad ug uban pa.
Ang kolaborasyon tali sa lokal na panggamhanan sa Butuan ug DOST-PHIVOLCS nagsugod niadtong 2022 ug sukad niadto aduna nay kolaborasyon alang sa hazard modeling, field validation ug reviews, technical writing, ug uban pa, miresulta sa pagkahimo sa duha ka volume sa maong teknikal nga reports o mga libro.
Ang unang volume nga nag-ulohang “Butuan City Earthquake Model: Event-Based Probabilistic Seismic Risk Assessment Technical Report” naglangkob sa probabilistic motion hazard sa siyudad, diin ang technical team misusi sa 10,000 ka mga building. Sa laing bahin, ang ikaduha nga volume, naglangkob usab sa mga portfolio sa mga building gikan sa tuig 1968 hangtod 2024.
Adunay mga barangay sa syudad sa Butuan na nahimutang ibabaw sa sa Philippine Fault Surigao ug Esperanza segment kini mao ang Barangay Sto. NiΓ±o, Los Angeles, Sumilihon, Taguibo, Ampayon, Antongalon, Basag, Camayahan, Florida, Maibu, ug Sumile.
Sumala kay DOST-PHIVOLCS Director Teresito C. Bacolcol, ang ilang buhatan makanunayon nga nitabang sa mga local government units alang sa ilang disaster-related planning. "Ang DOST-PHIVOLCS naghimo ug mga hazard models ug maps aron makatabang sa pagpakunhod sa mga epekto sa linog. Kini nga mga hazard models adunay mahinungdanon nga datos nga makatabang sa urban planning, disaster risk reduction, ug building safety,”
Gipasabot usab ni Butuan City Mayor Ronnie Vicente C. Lagnada unsa kini kamahinungdanon aron mamahimong andam ang mga kumunidad panahon sa linog hilabina nga ang syudad ana sa delta area.
"Kini usa ka dako nga higayon alang kanato, mahinungdanon usab kini nga himan alang kanato. Dili kami makatugot nga ang mga programa ug kalamboan nga ato ng nahimo ug natukod maguba sa mga katalagman sama sa linog. Kini nga himan mag-giya sa tanan nga umaabot nga mga kalamboan sa atong lungsod," gipasiugda ni Lagnada. (MFC, PIA Butuan City)
