Medical building gitugyan ngadto sa Loreto District Hospital sa Dinagat Islands
CARMEN, LORETO, Dinagat Islands -- Bag-ong medical building alang sa Loreto District Hospital opisyal nang gitugyan ngadto sa pamunuan sa Loreto District Hospital niadtong Abril 4.
Ang duha ka andana nga edipisyo maingong moderno tungod kay komplito kini sa mga pasilidadis sama sa tulo ka kwarto, may living area, kitchen area ,waiting area, dining area, ug duha ka mga toilet and bath rooms sa 1st floor, samtang sa 2nd floor niini adunay tulo ka kwarto nga adunay mga kaugalingong bathrooms and toilets lakip na ang terrace ingon man ang sakto kadakong lounge area, aduna na usab kini fire alarm system ug fire sprinklers. Sa kinatibuk-an mikabat sa P9,949,329.084 kinsa gisugdan niadtong Abril 4, 2023 og nakomplito niadtong Agosto 30 , 2024.
Ang pormal nga pagturn-over niini nga proyekto gipangunahan ni Governor Nilo P. Demerey Jr., MPM, kauban ni Loreto Mayor Doandre Bill A. Ladaga. Sa iyang pamahayag nga giklaro ni Gov. Demerey nga kabahin lamang kini sa mga saad sa provincial government sa Dinagat Islands nga mas pakusgan pa ang paghatag og suporta niadtong mga ahensya nga adunay mahinungdanon nga serbisyo alang sa katawhan og nag- una na niini nang sektor sa maayong panglawas.
Samtang sa iyang pakigpulong gipaabot ni Mayor Ladaga ang iyang kinasingkasing nga pagpasalamat sa lokal nga pangagamhanan sa probinsya sa mga proyektong gibutang niini sa lungsod sa Loreto. Gisaad sa mayor nga ampingan kini nga mga edipisyo isip simbolo sa maayong relasyon sa tali sa iyang lungsod ug sa probinsya nan Dinagat Islands.
Lakip sa mga giturn -over nga proyekto kauban sa Loreto District Hospital Medical Building mao ang P2,958,556.22 nga construction of cadaver holding area, P1,999,456.32 nga installation of fire sprinklers with basic fire devices and alarm systems, ug P2,998,914.35 nga roofing and handrails installation. (Jimmy S. Jara, PIO PDI/PIA Dinagat Islands)
